Սպորտային սնունդը մեր առօրյայում

Ողջույն հարգելի ընթերցանողներ.

Արդեն բավականին երկար ժամանակ հետազոտելով համացանցի հայկական կայքերը, իմ փորձերն ապարդյուն անցան գտնելու որևէ օգտակար հոդված կամ բլոգ` կապված սպորտային սննդի և առհասարակ առողջ և ճիշտ սննդային ռեժիմների մասին.

Այժմյան առկա սոցիալական խնդիրների պայմաններում թվում է թե մարդկանց շատ քիչ է հետաքրքրում ճիշտ սնվելն ու սպորտով զբաղվելը, սակայն վերջին տասնամյակում մարդիկ սկսեցին ակտիվորեն զբաղվել սպորտով, հաճախել ֆիտնես ակումբներ և սպորտդահլիճներ, ինչը ապացուցվում է մեր Մայրաքաղաքում սպորտային ակումբների քանակի տասնապատկումը.

Գրեթե անհնար է չգտնել սպորտային ակումբներ Երևանի յուրաքանչյուր համայնքում, ինչը շատ է ուրախացնում. Դեռ 90ականների վերջերին կարելի էր մատերի վրա հաշվել ֆիտնես կենտրոնները. Այճմ նրանց թիվը գերազանցում է 30ը.

Ես ինքս սկսեցի զբաղվել բոդիբիլդինգով 2002 թվականից սկսած. Անկախ ինձնից շատ կապվեցի այդ սպորտաձևի հետ. Եվ հավաստիացնում եմ, սկսնակների մեծ մասը նույն զգացումն ունի, նամանավանդ երբ վիզուալ դրական փոփոխություններ ես նկատում քո կերտած մարմնի վրա.

Բուն վարժությունների կատարումից զատ, կցանկանայի խոսել մի շարք կարևոր գործոններից մեկի մասին - Սպորտային սննդի, ինչը միշտ եղել է շատ վիճելի թեմա բոդիբիլդերների, սկսնակ պարապողների և առհասարակ սպորտով չզբաղվող մարդկանց միջև.

Նախ խոսենք այն մասին, թե ինչ է իրենից ներկայացնում սպորտային սնունդը.
Սպորտային սնունդը դա սննդային հավելում է, որի նպատակն է բավարարել սպորտով զբաղվող մարդկանց սննդային պահանջները` ապահովելով օրգանիզմի ճիշտ գործունեությունը կարևոր նուտրիենտների դիֆիցիտի պայմաններում.

Սպորտային սնունդը մեր օրերում մեծ տեղ է գրավում սննդային արդյունաբերության մեջ. Գոյություն ունեն հարյուրավոր մեծ ընկերություններ, որոնք տարեկան ահռելի ծավալներով արտադրում են սպորտային սնունդ, այնպես ինչպես մանկական սնունդ` ապահովելով միևնույն ժամանակ բարձր որակ և հուսալիություն.

Սպորտային սնունդն իր մեջ ներառում է բազմապիսի հավելումներ, ինչպիսիք են` Պրոտեին, Կրեատին, Ամինաթթուներ, վիտամինային և միներալային կոմպլեկսներ, ինչպես նաև ձկան յուղից ստացված Օմեգա3 ճարպաթթուներ, Տրիբուլուս, կանաչ թեյի էքստրակտներ և այլն...

Համոզված եմ ընթերցողների մեծ մասին վախեցրեցին այս անվանումների մեծ մասը.:)
հասկանում եմ, առաջին հայացքից դրանք պարզապես հնչում են, որպես ինչ-որ  լաբորատորիաներում տեխնոլոգիական թափոններից ստացված քիմիկատներ.
Սակայն խնդրում եմ մի շտապեք ժամանակից շուտ քննադատել կամ բացառել նրանց դերը մեր առորյայում.

Բանն այն է , որ բոլոր այդ հավելումները ստացվում են բացառապես բնական ճանապարհով, պարզապես սննդի տարբեր աղբյուրներից ֆիլտրման պայմաններում.

Օրինակ ` Պրոտեինը , նույն ինքը` սպիտակուցը (անգլերենից տարգմանաբար Protein - белок- սպիտակուց) ստացվում է հիմնականում կաթից.
Այսինքն` երբ կաթից ստանում են պանիր, ապա կաթի շիճուկը, որն իրենից ներկայացնում է բարձր արժեք ունեցող մթերք, վերցվում է և մանրացվելով և ֆիլտրվելով` ազատվում յուղից և այլ ոչ անհրաժեշտ կոմպոնենտներից. Այնուհետև այն պարզապես փաթեթավորվում է մեզ շատ հայտնի ձևով` տուփերի կամ տարաների մեջ(ինչպես աղը, շաքարավազը) և մատուցվում.

Սպորտային սնունդը, համաձայնեք, շատ ծավալուն թեմա է և որպեսզի շատ ծավալուն և ձանձրալի չստացվի հոդվածս, ես մանրամասն կանդրադառնամ սպորտային սննդի յուրաքանչյուր տեսակին առանձին հաջորդ հրատարակումներում.

Հարգելի ընթերցող, այսքանը որպես նախաբան. Ցանկության դեպքում տվեք Ձեր հարցերը և առաջարկները. Միշտ ուրախ կլինեմ պատասխանել.
Ապրեք առողջ, խնամեք և սիրեք ձեր մարմինն ու օրգանիզմը.

Միշտ Ձեր` BodyBlogger